Padri Mkude Asinyongwe

Utangulizi

Nimesoma katika gazeti la Habari Leo la Alhamisi,tarehe 8/3/2012 toleo namba 01901,lenye kichwa cha habari “Askofu Kutanzua Lugoba Jumapili”.Kabla ya hapo nilizisikia hizi habari kutoka kwa ndugu zangu hitakuwa si vyema kama sitatoa maoni yangu juu ya hili kwa jamii.

Ninavyomfahamu Pd.Mkude.

Nilimfahamu Pd.Mkude mwishoni mwa miaka ya 80 wakati nikiwa nasoma Morogoro Sekondari.Gazeti nililonukuu liemwandika kama Pd.Phillipo Mkude,lakini sisi tulimfahamu kama Pd.Phillip-Neri Mkude.Wakati huo akiwa Headmaster wa Kigurunyembe Sekondari.Alitoa mchango mkubwa sana katika taaluma,nidhamu na michezo.Itakumbukwa kuwa yeye ndiye alijenga uzio ili kudhibiti utoro ambao ulikuwa umekithiri.Kitaaluma sitaongea kwani hatuwezi kumaliza,isipokuwa katika michezo amefunda nguli wengi katika uchezaji mpaka uongozi wa kitaifa.Mfano ni aliyewahi kuwa katibu mkuu wa FAT,Michael Wambura na nduguye ambaye ni msemaji wa TFF,Boniphace Mgoyo Wambura ambaye wakati ule alikuwa mkoba mahili sana.Kadhalika hatuwezi kusahau wachezaji mahili kama akina David Joseph Mihambo ambaye aliwika na wekundu wa Msimbazi na timu ya Taifa.

Haikuwa ajabu kumuona kasisi huyu akisimama kama kocha kuhamasisha vijana wake akiwa amevalia shati la kichungaji.Hakuishia hapo,ilikuwa ni kawaida yake kuandamana na vijana wake hata katika mijadala(debate)wakati ule.Ilipendeza sana na alifurahisha wengi.Kwa ziada,nifahamuvyo mimi huyu si ndugu na Askofu Mkude wa Morogoro na huenda hata koo zao zisifanane kwa desturi ya kabila hili lilivyo.

Madai Juu Ya Pd.Mkude.

Katika gazeti la habari leo Pd.Mkude anadaiwa kuwaita Wakwere ni wachafu,masikini,hawasomi na wanaendekeza kucheza ngoma.Amenukuliwa na majibu yake lakini mimi siyahitaji kwa kuwa ninaangalia kauli anazotuhumiwa na kutoa maoni yangu,kwani nayaelewa kiasi mazingira ya Ukwere.Mimi ni Mkwere na mama yangu ni mluguru,kabila atokalo Pd.Mkude.(I declare my interests).

Pd.Mkude ni jasiri na anafaa kuwa kiongozi.Ni viongozi wachache sana wa kijamii,kiroho na hata kisiasa wenye uwezo wa kuwaambia watu udhaifu wao.Ndio maana tunaendelea kutafunwa na uzinzi,maradhi,ufisadi na mengineyo.Maneno aliyoyasema kasisi huyu juu ya Wakwere ni kweli na wala hana sababu ya kuwadhalilisha;ili apate nini?Angalia leo hii Wakwere wauzavyo maeneo ya barabarani kwa bei ya kutupa,sasa huu si umasikini? Tembelea vijiji vingi Tanzania hii wenyeji wanavyochangamkia nyumba za matofali ya kuchoma;ukwele wao kimya.Sasa mtu wa namna hii atajenga choo bora? Kuhusu shule nalo kweli mnahitaji mjadala?Ni nani asiyejua kuwa kuna baadhi ya mikoa ukitangaza nafasa ya kazi utapata zaidi ya aslimia 90 ya wenye sifa ni wenyeji asilia,kwa Ukwere nadhani hata utangaze kijijini waweza pata si zaidi ya aslimia 25,sasa hili nalo uongo ni upi? Tembelea mashule,vyuo utapata ukweli,sasa tunabisha nini?

Mbinu shindanishi(Maneno yangu si rasmi)

Pd.Mkude ametumia mbinu ambayo inawaumiza Wakwere na kuwafanya waamke na kujua walipo na kuchukua hatua.Mbinu hii hutumiwa hata na wazazi wanapokuwa na mtoto ambaye ni mvivu wa kula humwambia kuwa wewe hata fulani anakushinda,ili apate uchungu na asikubali kushindwa,kasha amalize chakula.

Nahisi kasisi huyu hakueleweka na jamii husika au kuna kundi la wachache ambao si wenyeji asilia au wanatumia udhaifu wa wenyeji kumfanya kasisi huyu aonekane mbaya.Kwa kuwa wanajua wenyeji wakiamka hawatapata mashamba na viwanja kwa bei ya chee,pia wenyeji wakisoma watampa nani soda na maji akimbizane nazo katika mabasi? Kwa kweli inasikitisha sana!

Kuhusu ngoma,Mluguru na Mkwere hawana tofauti hata huko kwao Tangeni wanacheza,isipokuwa lazima tuwe na vipau mbele.Nina imani alimaanisha hivi na si vinginevyo.

Maoni Yangu

Naamini wanaomtuhumu Pd.Mkude hawana nia njea na Wakwere.Nahisi si wenyeji asilia au wanatumiwa bila kujijua kupiga vita mtu yeyote anayetaka kuamsha mawazo ya wenyeji.

Hitimisho

Ndugu zangu,tulime,tusomeshe watoto wetu,tusiuze ovyo ardhi zetu.Kama mtu anataka ajenge mkatane baada ya muda fulani inarudi kwako.Tutakuwa wageni wa nani?

Mwandishi,Clarence F.Mahunda,anapatikana kwa simu 0713 722 398 na barua pepe:c.mahunda@yaoo.com