Serikali Yapoteza Mapato Kupitia Asali

ZAIDI ya shilingi Bilioni 140 zinapotea kupitia ukusanyaji wa mapato

katika Wizara ya Maliasili na Utalii, kila mwaka.

Akitoa taafa hiyo katika mkutano wa watendaji wakuu wa wizara na

taasisi za Maliasili na Utalii, Waziri wa Wizara ya Maliasiri na

Utalii, Mh. Ezekiely Maige amesema sekta hiyo inapoteza mapato hayo

kila mwaka kutokana na zao la Nyuki na Asali, kutopewa msukumu wa

kutosha.

Maige amesema jumla ya shilingi Bilioni 200 ambazo zinatakiwa

kukusanywa kwa mwaka, Wizara imekuwa ikipata shilingi Bilioni 60

pekee, na hivyo kuwepo kwa upungufu wa shilingi Bilioni 140.

Amewaagiza watendaji wa taasisi na Wizara hiyo kuimarisha usimamizi

katika ukusanyaji wa wa maduhuli ili fedha zote zinazopaswa kupatikana

zikusanywe, ikiwa pamoja na kuwahimiza wataalamu hao kuongeza

uzalishaji wa miti kwa kuzingatia mahitaji ya Mbao.

Aidha amesema ili kukabiliana na changamoto hiyo, Wizara imejipanga

kuogeza uzalishaji wa asali, kupitia ufugaji wa Nyuki, ikiwa pamoja na

kutafuta masoko ya uhakika ya ndani na nje ya nchi, kwa lengo la

kudhibiti upotevu wa fedha hizo.