Majina Ya Wajumbe Wa Tume Ya Katiba

WIZARA YA KATIBA NA SHERIA

S.L.P 70069, DAR ES SALAAM

TAARIFA KWA VYOMBO VYA HABARI

RAIS wa Jamhuri ya Muungano wa Tanzania Mheshimiwa Dkt. Jakaya Mrisho

Kikwete amevialika vyama vya siasa vyenye usajili wa kudumu, jumuiya za

kidini, asasi za kiraia na makundi mengine ya watu wenye malengo yanayofanana

kuwasilisha kwake orodha ya majina ya watu watakaoteuliwa kuwa Wajumbe wa

Tume ya Kuratibu na Kukusanya Maoni ya Wananchi kuhusu Mabadiliko ya Katiba.

Mheshimiwa Rais ametoa mwaliko huo kupitia Tangazo la Serikali Na. 66 la tarehe

24 Februari, 2012 kwa mamlaka aliyopewa chini ya kifungu cha 6(6) cha Sheria ya

Mabadiliko ya Katiba ya mwaka 2011.

Kifungu cha 6(6) cha Sheria ya Mabadiliko ya Katiba, 2011 kinamtaka Mheshimiwa

Rais kualika vyama vya siasa vyenye usajili wa kudumu, jumuiya za dini, asasi za

kiraia, jumuiya, taasisi na makundi mengine ya watu wenye malengo yanayofanana

kuwsilisha kwa Rais orodha ya majina ya watu kwa ajili ya kuteuliwa kuwa

wajumbe wa Tume.

Kwa mujibu wa Tangazo hilo la Serikali, kila chama cha siasa chenye usajili wa

kudumu, jumuiya ya kidini, asasi ya kiraia na kila kundi lenye watu wenye malengo

yanayofanana itapaswa kuwasilisha orodha ya majina yasiyozidi matatu ambayo

itaonyesha umri, jinsia, uzoefu, sifa na mahali anapoishi kila mtu aliyemo katika

orodha.

Aidha, orodha hiyo inatakiwa iwasilishwe kwa Mheshimiwa Rais kwa maandishi

ama moja kwa moja kwa mkono au kwa rejista ya posta kupitia anuani ifuatayo:

i.

ii.

Ama: Katibu Mkuu Kiongozi,

Ikulu,

S.L.P. 9120,

DAR ES SALAAM

Au:

Katibu wa Baraza la Mapinduzi na Katibu Mkuu Kiongozi,

Ofisi ya Rais,

S.L.P. 4224,

ZANZIBAR.